عبرة شعر
على الوعد جيت ياحي الله قبالك
ياحي هاالزول لامن وقف قبالي
ماني بزعلانه ووجه الرضا فالك
غيمه ومرت وجيتك يالهوى الغالي
يجيك مني عذر وانا ارجي وصالك
اخاف من واشٍ منوته غربالي
تعال شف في عيوني كبر منزالك
تعال شف قدرك اللي دايمٍ عالي
اسوق خيل المشاعر واتعنى لك
ماتنثني خطوتي وانت اجمل امالي
لا لاتهوجس شل الهوجاس من بالك
لازلت الاول ف هالخفاق والتالي
واااجد تمنوا رضاك ولاحدن طالك
ساقتك الاقدار وتهيالك وصالي
خذ كل شعري انا ماقلته إلا لك
من غيرك يحق له يتسمع اقوالي
والله لااغنيه دامه حيل يحلالك
واردد اسمك كثير بكل موالي
