موضوع للنقاش .....
الزوج موظف وراتبه 3 ارباعه مشترك سلفة حتى يطلع سفرات سياحية والربع الباقي شخصي وجزء للبيت ولا يسد حاجة البيت أساسًا
يطالب زوجته المعلمة براتبها اللي هو أقل من راتبه على أساس ( الرجال قوامون ) أما الزوجة فمتكدر تنطي الراتب لأن هي سابقاً شاركته راتبها اللي ينطيها القليل منه مصرفها اللي ميكفيها وساعدته بشراء سيارة وبيت وأثثوا البيت على هذا الأساس والزوجه هي القائمة بمصاريف البيت بكاملها ومسواك الشهر كامل ومصاريف أطفالهم اللي هم طلاب ابتدائية ومتوسطة وإعدادية
فوك كل هذا يطالبها بتشجيعه على السفر والصرف عليهِ وتوصله للمطار وتحضر الجنط وكل سفرة اقل شي إسبوع وميهمه إبنه محتاج مصرف لو لا لأن ماكو داعي يصرف عليهم وامهم موجودة
ناهيك عن المشاكل اللي يوميه طالعه بشكل جديد ونبرة جديدة وبما انو هو ممتهني بشبابه فصار لازم يعوض .
هذا الموضوع طرحناه للنقاش الحضاري والواقعي وسويناه باللهجة العراقية العامية لأن يستحق يقرأ هذي المقالة كل شخص وبكل الاعمار وما طولناها ولا شرحنا باقي الحالة وبدون ذكر أسماء عسى أن يكون مجرد طرح الموضوع بهالشكل سبب بحل مشاكل الآخرين
النقاش مفتوح حتى يتم انصاف احد الطرفين .
